屈斜路湖.砂湯

人生有幾多個十年? 睇吓我行先定你行先,如果我行先嘅,咪我等你囖!

Monday, August 31, 2009

52嵗啦!



今日系馬來西亞52嵗生日,係度祝願國家生辰快樂,國泰民安。

今年嘅主體系(希望講得出,做得到):

一個馬來西亞,以民為本,績效為先。

Satu Malaysia Rakyat Didahulukan Pencapaian Diutamakan.

One Malaysia People First Performance Now.


突然間覺得自己好似好愛國添,嘻嘻...

Friday, August 28, 2009

隔膜

兩個人之間一旦出現分歧,隨著時間流逝,隔膜就會越來越深,關係亦變得日漸疏離。久而久之,兩人間就會起了一道無形的墻,把對方劃分。有些話明明已經到了口中,也會狠狠地把它們往肚裏吞。即使是並排而坐,彼此也變得鴉雀無聲,各懷鬼胎。這是否意味著,大家已經緣盡於此?

緣起緣滅; 緣起時固然要懂得珍惜,緣盡時也要懂得放下。 何必再去執著呢?

Thursday, August 27, 2009

劉華



何必要閃閃縮縮?何必要出動傘陣來擋呢?咁樣大大方方,名正言順,唔係幾好咩?

可能會有人話,公唔公開關我哋x事?但係呢張十指緊扣嘅世紀合照,就足以證明的確系關大家事,原因已經呼之欲出。

因爲佢係劉德華

Wednesday, August 26, 2009

硬頸

講得好聽就系有宗旨,有原則,有己見。難聽啲就系固執、吃古不化、死牛一面頸。

有時做人就系要接受o下人哋嘅意見; 尤其是系老人家講嘅説話,一定唔好當耳邊風。因爲佢哋過橋多過我哋行路; 講得出一定就有佢嘅因由,不可乏視。

正所謂不聼老人言,吃虧在眼前。呢句話千真萬確啊!

Tuesday, August 25, 2009

店小二

國慶假日,與遠渡吉隆坡嚟嘅友人吃了這個午餐。

用手上粒蘋果第一次拍照,效果非常模糊。像數太低,又無閃燈,整體成績相當之唔滿意。有待改進!

藥材烤鴨 - 藥材味蠻濃,好吃
海鮮魚漂羹 - 味道相當不錯。
枸子莧菜上湯 - 我的最愛
鮮魚片蒸花菇 - 包保唔會熱氣,任吃唔嬲。
甜品有特製龜苓膏

Monday, August 24, 2009

自由

我要100%嘅自由,我要100%嘅空間,我要100%嘅自主。

唔好去質疑我,唔好去束博我,唔好去猜度我。

唔好同我講乜嘢愛心、唔好同我講乜嘢感情、唔好同我講乜嘢關心。

甚麽責任、後果、代價、任性、承擔、統統我都唔再理會。

我要嘅係自由。無拘無束,無牽無掛嘅自由。

飛自由,完全飛自由!!!

Friday, August 21, 2009

好歌有好報 :《老爺大過天》主題曲

突然想起莎莎當年(1984年)唱嘅《他在關心你》,再加上秀姑精湛嘅告別演出,直到依家都歷歷在目,常留記憶中。

Thursday, August 20, 2009

代價

要紅,要出名,要名成利就,要受萬千愛戴,就要付出代價。呢嗰世界冇免費午餐; 要得到某樣嘢,就要失去某樣嘢。得到越多,好自然就會失去越重要嘅嘢。

上天就係咁對待我地每一個。無論你係天皇巨星、天之驕子、平民百姓、皇族之後、一國之君、一家之主、萬人之上、抑或係普通人如你我都一視同仁,難逃呢個定律。

若然未報,時辰未到啊。

Wednesday, August 19, 2009

聽天由命

如果可以揀,我希望我地唔會再見面。不過世事豈能盡如人意呢?好多嘢,你越係逃避就越要你去面對; 你越想強求卻偏偏唔會畀你咁輕易得到手。

此時此刻,唯一可以做嘅就係去改變自己嘅心態,其他嘅就由嗰天去安排。

Tuesday, August 18, 2009

人不可貌相

一位化曬妝、眼睛大大、長髮披肩、瓜子面口、修長玉腿嘅靚女; 係食閣裏面徘徊搵位。轉咗兩個圈,終于畀佢搵到嗰位坐低,然後就睇到佢不停係度搖腳,搖呀搖係咁搖。

結果點?咪就係乜胃口都冇曬囖~~~~~

Monday, August 17, 2009

相愛很難

深深明白到乜嘢叫做因了解而分開。

無論雙方相處有幾耐,感情建立得有幾深; 一旦覺得無法勉強與對方再系一起,最終嘅結局亦只有選擇分開。

Friday, August 14, 2009

人間

想念阿菲嘅歌聲,鍾愛夕爺嘅歌詞,再配上中島美雪嘅旋律,造就咗一首人間。

風雨過後不一定有美好的天空 不是天晴就會有彩虹
所以你一臉無辜 不代表你懵懂
不是所有感情都會有始有終 孤獨盡頭不一定惶恐
可生命總免不了 最初的一陣痛

但願你的眼睛 只看得到笑容
但願你流下每一滴淚 都讓人感動
但願你以後每一個夢 不會一場空

天上人間 如果真值得歌頌
也是因為有你 才會變得鬧哄哄
天大地大 世界比你想像中朦朧
我不忍心再欺哄 但願你聽得懂

但願你會懂 該何去何從

Thursday, August 13, 2009

網上交易

今時今日,你會唔會在網上作交易?你覺得網上交易可靠嗎?你認爲網上交易安全嗎?相信呢啲疑惑,對好多人嚟講依然有所保留。

隨著資訊科技嘅發達,好多嘢都已經可以係網上完成,變得簡易方便化。例如訂購機票、股票交易、酒店預訂、交邀罰單/銀行貨款/水電煤/電話費/保險費、購買戲票、更新車牌/護照/居留等等等等,多不勝枚數。

雖然我地系不只不覺間,已經進行過無數次以上所提及嘅有關交易。然而,仲係會有好多人唔會選擇從呢個途徑去進行交易。究竟原因何在呢?問題出現係邊呢?

Wednesday, August 12, 2009

近走低飛

遠嘅唔得,唯有選擇近嘅。

哪怕係3至4日,只要系同自己覺得舒服嘅人一起,每一分鐘都可以減壓,每一刻都會係值得嘅。

Tuesday, August 11, 2009

我的高清時代

潮流追求高清生活,上周末終于忍唔住,去換咗一個高清機頂盒。因此,可以無限量收睇高清節目; 而且仲可以通過翡翠衛星台隨選,係節目播出嘅七天之内重溫大部份節目。

實在太好呐!以後唔洗再捱眼瞓,收睇11點鐘過後嘅節目同無線娛樂新聞。因爲有咗以下兩個選擇:

選擇一: 可以通過機頂盒自動錄低,得閑正睇。
選擇二: 透過On Demand,系七天之内任睇唔嬲。

而最重要一環就係,嗰機頂盒系放置係本人嘅房間裏面; 一人獨霸嗰中滿足感相當過癮。

Monday, August 10, 2009

貪慕虛榮

甚麼大方﹐甚麼豁達﹐甚麼包容統統都被狗啃了。因為無論點樣修﹐始終都系難逃貪慕虛榮呢四個字。

就系因為貪慕虛榮﹐可以令到對方充滿妒忌。
就系因為貪慕虛榮﹐可以令到自己充滿自信。
就系因為貪慕虛榮﹐可以令到對方自私盡露。
就系因為貪慕虛榮﹐可以令到自己一嘗勝利。

人系唔會一直輸落去﹐要學識輸先會贏。今次漂漂亮亮咁贏番你一次?!都未為過呀!既然你要比﹐我以後就乜野都唔做﹐淨系做一樣野﹔ 就系同你鬥﹗

Friday, August 07, 2009

反翻版

人我就見得多﹐抄人抄到十足十o既真系第一次見。你買乜佢就要買乜﹔你用乜佢就要用乜﹔你做乜佢就跟住做乜。正一名副其實o既翻版精﹗

小心惹起我把火﹐一不做二不休打個電話去海關﹐實行拉人兼封艇﹗

簡直豈有此理﹗

Thursday, August 06, 2009

心胸

點解要比較?
點解要妒忌?
點解要區分?

點解唔可以大方點?
點解唔可以豁達點?
點解唔可以包容點?

Wednesday, August 05, 2009

人言可畏

系後宮中,最厲害嘅武器,並唔係咩道術,而係空穴來風。流言一旦傳開出去,佢嗰種威力將會相當可怕,足以能夠將一個萬千寵愛,風光一時嘅人直插谷底,甚至置於死地。

所以我地千萬要記住人言可畏這句說話。只要有人講,就會有人聼; 死嘅都以可以講到生。明明冇發生,都可以講到似模似樣,疑幻疑真。

恐怖指數簡直可以爆燈!

Tuesday, August 04, 2009

峰.情無限演唱會


林峰首個一連兩場個人演唱會《峰.情無限演唱會》,全場座無虛席,嘉賓眾星雲集,熱爆紅館。整個演唱會視聽效果並重,娛樂性亦相當豐富。有王祖藍和農夫出場玩楝篤笑和Rap歌,又同Laughing哥同台鬥舞兼合唱Twins的女校男生。

合唱情歌部分有師姐泳兒嘅明天以後,以及阿Sa蔡卓妍嘅In Love With You。此外林峰係個唱中,大唱《愛在記憶中找你》、《愛不疚》和《Let's Get Wet》等首本名曲,博得全場掌聲。

推薦歌曲:浮生若水、原罪、影子的愛情故事、愛人與海

Monday, August 03, 2009

感覺

好多嘢都會以感覺行先。一旦嗰種感覺冇咗,再點樣死纏爛打、拖拖拉拉、癡癡纏纏都會係白費,完全起唔到任何作用。有種人唔在乎過程有幾艱辛、幾難捱,只在乎結果好與否。但係有啲人往往非常著重過程,結果對佢地嚟講只係一個公式嘅答案。

無論重視過程又或者係結果,始終都會覺得,往往離唔開感覺呢兩個字。